milkman@機場生存紀錄

暑假無啦啦要做eng report, 要出去搵人用英文訪問, 原本話題目做tourism, 後來改做transportation, 原本我認為呢個題目問遊客會唔夠深入，但做完之後覺得都ok，如果d問題可以再set好d就仲好。
跟住就去左機場。機場地圖可到中聯地圖search.
事緣我地乘MTR到東涌，轉S1巴士到機場。路上一路順風，話咁快就到機場客運大樓。由於騏哥是領隊，我地聽騏上將佢o既order, 佢話未到, 我地都唔會落車。其實我曾經懷疑，那個站離大樓已是申手可及，但我想騏哥可能知道下個站仲近，於是我便唔出聲。
後來班長豪賢發現部巴士正往九龍方向駛去，各人心感不妙，騏哥亦落樓問司機，在上層我們發現巴士離機場越來越遠，更有其他乘客上車(部車總站係機場)！最後，騏哥証實我們到站卻無落車，只好在港龍大樓落。
落車的時候我們引來乘客奇異的目光，我想他們在想，港龍幾時請左幾個少年機司？
我們沿東岸路往北行。為何我們不直接穿過草坪呢？因為"地底有高壓電纜"。曾經幾次我們差點想越過左邊的鐵路直去機場，但即使越過了也沒有路去機場。
後來我們來到近機場南交匯處的分叉路，我們往左走發現原來是絕路，唯有硬著頭皮走出馬路，轉入機場路，到旁邊的停車場，再往西行，終於到達久違了的客運大樓。好鐘意阿福個句「好有劫後餘生o既感覺」。
其實呢次都唔可以怪哂騏哥，因為部車雖然唔係循環線，但到總站又不會趕人落車，而是立刻回到東涌，所以我地到總站都唔知。
到了機場，我們用幾個鐘先訪問夠人，我發現二人同行的同常都較得閒，and D西人都幾健談友善.